Net ze iwwersinn, sinn dëst Kéier di gréisser Unzuel un Intercerclen, di am Laf vun de leschte Méint stattfonnt hunn. Dodernieft huet d'ALEM eng Visite bei der Air Rescue gemeet an d'Lëtzebuerger Studenten aus dem Rhein-Main-Gebitt hu mat hiren däitsche Kollegen een Ausflug op Lëtzebuerg ënnerholl. Natierlech wor awer och d'ACEL onermiddlech fir iech am Asaz. D'Rapportë vun den Entrevuë mat der Ministesch Mady Delvaux an dem Minister Biltgen fannt dir ënnert der Rubrik "ACEL".
Wéi gewinnt kënnt zum Schluss dann nach de Kalenner vun deem waat iech an de nächsten Deeg erwaart. Do dierf natierlech op kee Fall dee groussen ACEL Studentenbal vergiess ginn deen dëst Joer de Freiden, 16.07 niewent dem P&R Bouillon stattfënnt a wou jo schonns am Virfeld am Kader vum "Summer um Bouillon" di lescht Matcher vun der Weltmeeschterschaft vun ënnerschiddlech Cerclen op groussem Écran iwwerdroe gi.

Céline Reichel
Presidentin

Säit iwwer 20 Joer ass et schonn zu Stroossbuerg Traditioun fir am Fréijoer duerch d'Elsass ze zéien an dobäi a verschiddene Kellereie gudde lokale Wäin ze schmaache wéi och eng kleng charmant an al Stiedchen ze entdecken. Samschdes den 17. Abrëll war et dann och dëst Joer erëm souwäit, an d’Auswiel vum Datum sollt sech als eng glécklech erweisen: de ganzen Dag iwwer waren et iwwer 20 Grad mat bloem Himmel.
Um halwer 9 moies huet d’ALUS offiziell zum Rendezvous zu Stroossbuerg ...

Weiderliesen

Den Tournoi de l’Ambassadeur, ass ee Fussballstournoi deen all Joer à tour de rôle vu Bréissel, Lëck, Léiwen oder Oochen organiséiert gëtt. Dëst Joer war et dunn um Tour vun deene Lëcker, déi den Tournoi awer aus diverse Grënn net konnten organiséieren. Bréissel huet sech dun bereet erkläert anzesprangen, an den Tournoi ze organiséieren.
Den 22ten Abrëll war et dunn esouwäit.

Weiderliesen

Och dëst Joer gouf ënnert de Lëtzebuerger Studenteclibb an der Schwäiz de Swisscup ausgedroen. No Fribourg 2008 a Lausanne 2009 wor et 2010 erëm um Zürcher Comité fir dëst sportlecht Event ze organiséieren.
Lass goung et um 9 Auer mat engem relativ kuerze Warm Up am Sport Center vun der ETH Zürech. No de Gruppematcher am Fussball an am Volleyball an esngem ganz kuerzen Iesse gouf de Basketstournoi ausgedroen.

Weiderliesen

Wéi all Joer huet och dëst Joer de Cercle vun de Lëtzebuerger Studenten zu München (LSM) rëm säin traditionelle Café-Ralley duerch ee Quartier vu München organiséiert. Dëse Samschden 29. Mee ass et drëm gaange fir de rosa Quartier, och nach bekannt als Glockenbachviertel, vu München onsécher ze man.
Wéi et koum, woren dee Weekend och di Oochener op hirer alljährlecher Kulturrees, déi se dëst Joer op München bruecht huet. Dunn hunn di zwee Cerclë sech geduecht, et wier dach keng schlecht Iddi, fir eng kleng Intercercle aus dem Café Ralley ze man.

Weiderliesen

Hei kënnt dir de Rapport zu der Entrevue vum 12.04.2010 tëschent dem Här Minister Biltgen an der ACEL liesen.

Weiderliesen

Hei kënnt dir de Rapport zu der Entrevue vum 26.03.2010 tëschent dem Mme Ministesch Delvaux-Stehres an der ACEL liesen.

Weiderliesen

En Iwwerbléck iwwer den Engagement vun der ACEL während de Meint Abrëll bis Juni.

Weiderliesen

D’ALEM (Association Luxembourgeoise des Étudiants en Médecine) hat viru kuerzem eng eenzegaarteg Geleeënheet e reellen Abléck ze kréien iwwer den Alldag vun der Luxembourg Air Rescue.
Sou sin mir mëttwochs den 7. Abrëll op de Findel gaangen, fir eis dat ganzt méi genee unzekucken.
Een informatiounsräiche ...

Weiderliesen

Mir hate fir eis Däitsch Kollegen e Weekend zu Lëtzebuerg organiséiert, fir hinnen mol ze weise wou mir hierkommen.
Freides Owes war den Départ zu Frankfurt an Direktioun Lëtzebuerg. Mat engem klengen Tëschenstopp an der Jugendherberg a Clausen si mir direkt wieder op de Bréisseler Bal an den Atelier gaangen. Jo, si haten all en nawell komesch gekuckt wéi de ganzen Atelier op een mol op „Connemara“ abgaangen ass!
Den aneren Dag, ware mir all (mat enger Ausnam...) mat Zäiten op, an ....

Weiderliesen

Wéi all Joer, sicht de Centre de Psychologie et d'Orientation Scolaire (CPOS) och dëst Joer erem motivéiert Studentinnen a Studenten, déi Schüler an deene verschiddenste Fächer ennerstëtzen.

Weiderliesen

Eternal Tango, eng jonk lëtzebuergesch Band, déi sécherlech sou muncherengem vun iech dierft ee Begrëff sinn, hun dëst Fréijoer hier "Welcom to the Golden City" Tour duerch Däitschland gemeet an ënnert aanerem och zu Frankfuert a.M. also beim LSRM ee Concert am Nachtleben gin. Heibäi goufe si vun de lëtzebuerger Studenten ugefeiert. Hei e puer Impressiounen vun hirem Concert.

Weiderliesen