1. Reform Fonction Publique: Proffecarrière

Am Moment muss een en Diplom vun engem Studium vu véier Joer an engem Fach hunn, fir beim Concours fir Proff ze ginn, acceptéiert ze ginn.
Mä en neit Gesetz fir d’Reglementatioun vun de Proffecarrièren ass den 22. Abrëll gestëmmt ginn. Et brauch een e Bachelor an e Master (entweder am nämmlechte Fach, oder e Master am nämmlechte Fach, dee méi op Pédagogie ausgeluegt ass). D’Gesetz gëtt aktiv wann et definitiv duerch d’Chamber ass a gesäit eng Iwwergangsfrist vun 3 Joer vir. Duerno kommen nëmmen nach Kandidate mat Bachelor a Master an de System eran. Wat geschitt mat alen Diplomer? Dat ass an der Chamberkommissioun ugeschwat ginn, mä dat géing just ëmgesat ginn, wann et fir déi ganz Fonction publique ëmgesat géing ginn.
ACEL: den Här Wiseler huet eis informell zougeséchert datt do Iwwergangsfristen géingen agefouert ginn, sou datt di al Diplomer och a puer Joer nach di nämlecht Méiglechkeeten hunn. Mir bleiwen do drun. Dëst ass eng ganz pikant Saach, well et an der Praxis vun der Homologatiounskommissioun och net virgesinn ass, datt een, no sengem alen Diplom, nach e Master ka maachen, an dann sou an de System era kennt. Et brauch een e Bachelor an e Master, alles anescht ass deemno net méiglech.

2. Studieninfo vun der ACEL:

Projet ADEM, CPOS an CEDIES zesummen an d’Lycéeë fir Schüler ze informéieren. Dëst ass nach net am Gesetz festgeluegt, do brauch een nach bëssen Zäit, well et relativ komplizéiert an zaitopwendeg as.

Mi hu matt der Ministesch iwwert Orientatioun a Studieninfoen geschwat, notamment fir puer Ideeën ze fanne wéi ee besser un d’Schüler rukënnt.

3. Schoulreform

a. Qualitéitssécherung vum Diplomer de fin d’études secondaires. Sproochen:

Ministesch: Sprooche ginn net manner gemeet an der neier Reform. Op der A, G, an D sinn 3 Sprooche bis op 1ère. Op der B an C kann een dat läscht Joer eng Sproch wechloossen. Dat bléift d’selwecht. Dat eenzegt wat geännert huet ass datt ee muss englesch auswielen. De Ministère huet eng Enquête gemaach iwwert d’Ufuerderung un d‘Sproochekenntnisser: Am Osten an Am Norden ass et ganz anescht wéi am Zentrum an am Süden. Englesch gëtt ëmmer méi wichteg. Langue véhiculaire bleift awer franséisch. Et sief och ugemierkt, dass deen Niveau, deen an Zukunft vun de Sprooche verlaangt gëtt, wäit iwwert deem leie wäert, deen d’Schüler am Schnëtt lo kënnen. Am Moment gouf näämlech ni den Niveau vun de Sprooche certifiéiert, mä d’Zuel vun de Joeren.
Enseignement secondaire technique: op der 13ème huet ee lo bei der Filière « Sciences et Technologie » als Enseignement de Langue nëmmen englesch. An anere Fächer ass franséisch awer och « langue véhiculaire ».
Regelung op de schwäizer Unien: et muss een zwou Sproochen „à même niveau“ beherrschen a Wëssenschaften op 1ère/13eme gemaach hunn. Dëst misst lo fir all Sectioun klappen, well d’Naturwëssenschaften méi laang enseignéiert ginn. Laut der Ministesch wier et ni de Fall gewiescht an et wäert och ni de Fall sinn, dass een zwou Sproochen um nämmlechten Niveau beherrscht hätt. Trotzdem muss dëse Punkt observéiert ginn. Presentatiountechniken vu Projet’en an Oralen solle méi wichteg ginn. Methodologie du travail soll méi geléiert ginn.

Aal Griechesch a Latäin bleiwen nach bestoen an dat op all de Sectiounen.

De Geescht vun der Reform ass datt een eng breetgefäschert Bildung huet. Momentan ginn an der E an an der A Sectioun d’Wëssenschaften zevill negligéiert. Mat der neier Reform huet all Klass e Minimum vu Wëssenschaften. D’Methodologie de travail ass och e Volet vun der Reform. Et muss ee léieren seng Zäit ze géréieren an e Projet iwwert länger Zäit ze plangen (travail d’envergure).

D’ACEL ass gefrot, fir seng Stëmm anzebrénge wann et drëm geet wéi eng Fächer lo zu wéi engem Socle gehéiert. Si sënn och bereet op engen vun eisen Aktivitéiten als Diskussiounpartner deelzehuelen.

An der Sectioun « Langues et sciences humaines » muss een 3 Sprooche maachen, 2 dervu ginn am Examen ofgefrot (englesch ass obligatoresch). Da kann een awer och nach eng 4. « langue vivante » wielen an eventuell souguer nach aner 2 Sproochen. Da bléift nach 1 Fach fir d’Culture générale. De Problem ass lo datt een da schon bal seng 6 Fächer huet di een am Examen huet. Am Joer sinn et allerdéngs méi Fächer. Wéivill dat der sinn hänkt vun der Schoulorganisatioun of. Et gi keng Fächer méi just mat enger Stonn (ausser Sport).

b. Säit 2002 ass keng Étude méi iwwert de Parcours vun de Schüler no der 1ere gemaach ginn. Wéini gëtt do eng nei Étude gemaach?

Ministesch : Bei deenen Étudë kennt bal ëmmer dat nämlecht raus, dofir mécht et nëmme Sënn sou eng Étude ze maache wann ee wesentlech Parameter vum Schoulsystem geännert huet.
Wat d’ACEL hei intresséiert si Statistiken iwwert wat Studenten, wou studéieren. D’Idee ass opkomm datt d’ACEL eventuell eng Étudë bei hire Membere mécht, mä allerdéngs ass dat net sou einfach. Sou eng Étude wär näämlech net representativ a genee.

c. Firwat si just nach 6 Fächer am Examen?

Ministesch: all Étudë weisen datt 4 Fächer duerginn, fir representativ eppes auszesoen iwwert Maturitéit. De But ass datt et organisatoresch méi einfach gëtt, an eng manner laang Examenszäit ze hunn. Et soll méi Matière fir manner Exame gefuerdert ginn an net méi nëmme bësse Matière a vill verschiddene Fächer.

Doduerch soll de Student méi laang zum schaffe kommen a méi responsabel ginn. Den Exame wär sou net méi einfach.
Wéi kënne Proffen dat ëmsetzen? Formatiounen? Do ass nach näischt kloer. Mee si si sech wuel bewosst, datt do och eppes muss geschéien, well soss bréngt di ganz Reform näischt.
Intentioun: Virbereedung op d’Uni soll besser ginn. Wat gëtt do konkret gemaach?
1.Travail d’envergure.
2.Enseignants setze sech zesummen a sichen ee Fach wou ee muss méi léieren, fir méi gewinnt ze sinn e grousse Pensum ze léieren. Sou soll dann ee mol am Joer e grousse Pensum an enger Prüfung/Examen ofgefrot gi.
3.Léieren eppes opbauen. Datt een ëmmer rëm dat wat ee virdru geléiert huet mathuele muss. Sou entsteet ee Repetitiounseffekt. An all Fach ass dat net méiglech, mee an Niewefächer kennen sou Prüfunge gemaach ginn déi méi Examen op der Uni gläichen.

d. Echec am lëtzebuerger Schoulsystem :

Et gëtt zevill Leit, déi duerchfalen, zemools an der Primärschoul. Et huet allerdéngs och vläicht mat de Sproochen ze dinn, well et vill verlaangt ass vun de Schüler. Awer och am Lycée fale Leit duerch, an op der Uni hält och jidder drëtten op.

e. Sektiounen am EST

Am « Enseignement secondaire technique » gëtt et an Zukunft eng Sectioun méi. Technique générale, Informatik, Administration, Professions de santé (BAC op der 13ème, vun nächst Joer un, et mécht een duerno nach 2 Joer BTS) Artitique a Commerce et Communication.