Den Tournoi Universitaire 2008 huet des Kéier den 22. an 23. Dezember wei gewinnt um Campus Geesseknäppchen statt fonnt.
Den éischten Dag ass wei gewinnt Basket a Volleyball gespillt ginn. Fréi moies um halwer 8 huet ee schonn di éischt bekannt Gesiichter um ACEL Comptoir gesinn. Di éischt Croissanten a Bechere mat Kaffi sinn iwwert den Dësch gaangen. Um halwer 9 war dunn och de Startschoss an den diversen Halen um Campus. Wei gewinnt huet et net laang gedauert bis di éischt schonn eppes ze féieren hate well se e Mätsch gewonnen haten oder weider komm sinn, an doropshin ass och schon mam éischte Béier vum Dag ugestouss ginn.


No den Aussscheedunge moies ass et mat gudder Stëmmung an d’Mëttespaus gaangen. Di eng hun sech entscheet an de Restaurant ze goen, di aner hunn eng grouss Pizza bestallt an an d'Schwemm liwwere gelooss. Wat dann och mat sech bruecht huet dass sech no der Mëttespaus eng ronn 50 Pizzakeschten ob den Dëscher gestaapelt hunn.
Mëttes ass et dunn an deenen zwou Sportaarte weider mat de Mätscher fir d’Plazéierunge gaang. Ab 16 Auer sinn dann och di éischt rëm an d’Salle polyvalente vun der Piscine komm, fir gemütleg all zesummen eppes ze drénken an ob d’Präisiwwerreechung ze waarden. Um 17 Auer 30 war et dun kloer, d'Plazéierunge stounge fest.
Basketball: 1.Oochen; 2. Montpellier; 3.Uni.lu
Volleyball: 1.Köln; 2.Bréissel; 3.Lausanne

Oochen an Köln hu sech et dann och net huele gelooss an hunn e Faass Fräibéier zum beschte ginn.
Den zweeten Dag ass et du wei gewinnt mat Fussball weider gaang. Virun allem am Fussball wou sech näischt geschenkt gëtt, ass et moies direkt seriös lass gaang an em all Plaz ab halwer 9 gekämpft ginn. Dat mierkt een och dorunner dass de Gewënner vum Tournoi Universitaire, deen aus dem klengen Duerf nieft Oochen kennt, moies an der Virronn géint dass grousst Duerf, och nach bekannt ënnert dem Numm Oochen, verluer hat.
An der Mëttespaus ass wei gewinnt rëm masseg Pizza bestallt gi, ee et dono rëm weider mam Kampf em di beschte Plaz gaang ass.
Och den zweeten Dag hun sech d'Spiller aus deene verschiddene Cerclë vun der ACEL, no deene spannende Mätscher, rëm an der Piscine afonnt fir nach bëssen zesummen ze setzen, Resultater ofzewaarden a schon bëssen ze féieren.
Bësse méi spéit wei den éischten Dag stoungen dann och um 18 Auer d'Plazéierunge fest.
Fussball: 1.Köln; 2.Tréier; 3.Saarbrécken

Di dréi hunn och du zesummen nach e Faass Fräibéier gin wat dozou bäigedroen huet dass Leit nach eng ganz Zäitchen zesumme bliwwe sinn a geféiert hunn.
Ob dëser Plaz dann nach ee mol e grousse Merci un all Sportler vun de Cerclen an och un d'Cerclë selwer, dass den Tournoi dëst Joer rëm sou e groussen Erfolleg war an sou fair a mat vill Spaass iwwer d'Bühn gaang ass.

Mat sportleche Gréiss

Christine Zimmer