Den Freiden, 26. Dezember 2008, huet am Audimax vun der uni.lu déi traditionell Wanter-AG vun der ACEL statt fonnt.
No enger klenger Verspéidung konnt den Jean Claude Thiry, President vun der ACEL, d Vertrieder vun den Cerclen souwéi vun den Sponsoren an der Presse wëllkomm heeschen. An sengem „mot de bienvenue“ huet den President dann een Réckbléck op d Joer 2008 gemaach. Dëst Joer huet sech fir den Jenc Thiry ënner anerem doduerch ausgezeechent, dass den Comité 2008 een aussergewéinlech jonken Comité mat villen neien Gesiichter war, den zwar ufänglech mat e puer Organisatiounsproblemer ze kämpfen hat, mee trotzdem awer eng exzellent Aarbecht owgeliwwert huet. Do derniewent gouf och erwähnt, dass am Joer 2008 zwee nei Cerclen an d´ACEL opgeholl goufen (LSINA anVLIB) an eng komplett nei „Identité visuelle“ vun der ACEL agefouert ginn ass. Och sinn d´Publikatiounen vun der ACEL vun Grond op iwwerschafft ginn an natierlech ass och den politeschen Suivi vun der Studentenpolitik säitens der ACEL assuréiert ginn.
Nom President war et dann un deenen eenzelen Memberen vum Comité fir den Bilan vun der Aarbecht an hiren eenzelne Ressorten ze zéien. Als éischten huet den Secrétaire, Jean-Luc Meyers, den „Bilan d´activités“ presentéiert. Rechent en all d Aktivitéiten vun der ACEL 2008 zesummen, sou kennt een op eng Zuel vun zirka 170 Aktivitéiten, also praktesch all zwee Deeg eng. Intern huet den ACEL-Comité sech 11 mol getraff, do derniewent goufen et awer och nach 15 Versammlungen wou nëmmen verschidden Deeler vum Comité sech getraff hunn an nach eng Klausurtagung zu Bréissel. No baussen hin war d´ACELoch ganz aktiv an huet sech bei méi wéi 20 Geleeënheeten mat Partner ausgetosch, war op siwen AG´en vun Cerclen an CMC´en vertrueden, huet fënnef Evenementer organiséiert (do drënner den Studentenbal an d´Foire de l´étudiant) an huet och 6 Studien-Infoen an verschiddenen Lycéen am Land ofgehalen.
Den Jean-Paul Klop, responsabel fir d´Studien-Info, huet dann d´Vertrieder vun den Cerclen doriwwer informéiert, dass op den Informatiounsveranstaltungen an den Lycéen sou wéi um Job-Talks, beim Jobstarters an op verschiddenen aneren Stänn nees vill Schüler iwwer d´Studien konnten informéiert ginn.
Uschléissend war et un den Responsabelen vun den Publikatiounen fir hir Aarbecht virzestellen. D´Anne Buchler huet den „Guide du Futur Diplômé“ mat sengen neien Artikelen an sengem neien Layout virgestallt. Wéi dann den Max Flammang erläutert huet , war den„Guide du Futur Étudiant“ di éischt ACEL-Publikatioun déi no der neier charte graphique produzéiert ginn ass. D´Christine Zimmer konnt dann matdeelen, dass den zoom1200 dëst Joer fir d´éischt zesummen mam Tageblatt verdeelt ginn ass woumat eng Rekordoplaag vun 30.000 Exemplairen erreecht ginn ass.
Als Verantwortlechen fir d´Events, konnt den Georges Hames en ganz positiven Bilan vum Studentenbal 2008 um P&R Bouillon virstellen. Mat iwwer 4000 Gäscht an gudder Organisatioun huet den Studentenbal een Gewenn fir d ACEL eragefuer an et konnten méi wéi 20.000 Euro un d´Cerclen ausbezuelt ginn.
Ganzer 14 Intercercle Aktivitéiten sinn am Céline Reichel sengem Rapport opgefouert ginn. Dës Aktivitéiten sinn no den Richtlinnen vun der ACEL ausgewäert ginn an deementspriechend och finanziell ënnerstëtzt ginn.
Den Sébastien Wagener huet dann zum Ofschloss vun den Rapporten di nei Internet-Säit vun der ACEL sou wei och d Auswäertung zu der Ëmfro vun der Comitéthéik virgestallt.
No dësen klengeren Ressorten war et dann och un der Trésorière, dem Christine Zimmer, den finanziellen Bilan ze zéien. Sou koum et dann och, dass d ACEL am Joer 2008 een positiven Bilan vun17.666 Euro erschafft huet. Dës Zuelen goufen vun den Keessereviseuren confirméiert an och d Aarbecht vun der Trésorière gouf gelueft.
Nei war dëst Joer, dass d REEL hir AG während der AG vun der ACEL ofgehalen huet. Dës AG gouf vun der Presidentin vun der REEL 2008, dem Danièle Buchler geleet. Uschléissend un dës AG goung et dann mam Ordre du Jour vun der AG vun der ACEL weider an den Vote fir d REEL 2009 stoung un. Bei nëmmen enger eenzeger Kandidatur, gouf dann och schnell Karlsruhe als REEL-Stad 2009 gewielt. Dëststellt fir d REEL een Retour un d Wuerzelen duer, well et war virun genau 25 Joer zu Karlsruhe wou déi éischt REEL statt fonnt huet. D´Thema fir d REEL 2009 passt sech dem 25. Gebuertsdag dann och un an heescht: "La REEL: les acquisitions d'un esprit critique depuis 25 ans".
Uschléissendgouf dann nach den neien Cercle «Lëtzebuerger Studenten am Rhein-Main-Gebidd (LSRM)» an d´ACEL opgeholl an och d´Amicale vun der ACEL, d´aACEL, huet sech kuerz presentéiert an een Iwwerbléck iwwert hir Aktivitéiten ginn.
Dann war et esouwäit , dass den Comité 2008 duerch d AG déchargéiert konnt ginn an en neien Comité fird´Joer 2009 sech konnt forméieren. Bei 11 Kandidaturen fir 11 Posten, waren dann och keng Walen néideg. Als President gouf den Jenc Thiry konfirméiert. Weiderhin sinn am Comité 2009 vertrueden: Anne Buchler (Vize-Presidentin), Céline Reichel (Sekretärin), Christine Zimmer (Trésorière), Marie-PauleEven (Guide du FuturÉtudiant), Max Flammang (Relations presse), Georges Hames (Studieninfo), Marianne Hoffmann (Events), Julie Kohn (Guide du Futur Diplômé), Sébastien Wagener (Web/Informatik), Georges Zahlen (Relations Intercercles).
Nom Schlusswuert duerch den neien an alen President gouf et dann nach een vun der Spuerkeess offréiertenPatt an der Sandkaul, dëst zur Occasioun vum 10-jähregen Partenariat tëschent der ACEL an der Spuerkeess.