ACEL - de Studentevertrieder - Association des Cercles d'Étudiants Luxembourgeois

Aktualitéit

Student fir 1 Dag
----------------------
Och dëst Joer organiséiert d'ACEL rëm an der Ouschtervakanz d'Schülerreesen.

Du wëlls wësse wat dech op der Uni erwaart? Dann sief Student fir 1 Dag a géi mat op eng vun den Dagesreesen an déi verschidden Universitéitsstied, organiséiert vun der ACEL zesumme mat Voyages Emile Weber.

Looss dir d'Uni, de Campus an d'Stad selwer vun de lëtzebuergesche Studenten op der Platz weisen an erklären.

Weider Informatioune kriss du ënner http://www.acel.lu/sf1d

Gepostet den 09.02.2016 09:55

Neie Comité
----------------------
Wei all Joer war den 26. Dezember déi traditionell AG vun der ACEL. Hei gouf och en neien Comité fir d'Joer 2016 gewielt, dese besteht aus folgende Memberen:

Président - Laurent Cattarinussi

Vice-Président Regroupement - Charel Muller

Vice-Président Représentation - Laurent Heyder

Vice-Président Information - Pol Lutgen

Trésorier - Jerome Massard

Secrétaire - Eliane Klein

Design - Anni Piticco

Membres du comité:

Clifton Cano

Liz Oesch

Kyra Thielen

Michèle Buchler

Jeremy Chiodo

Gilles Johann

Gepostet den 06.01.2016 10:43

Ännerungen bei de Studiebäihëllefen
----------------------
No der Ëmfro iwwert d'Studiebäihëllefen hu mir an de läschte Méint mam Ministère verhandelt, fir de sozialen Ongerechtegkeeten vum aktuellem Gesetz entgéintzewierken. Dat ganzt huet zu enger Erhéijung vu bis zu 800 Euro an der Bourse sociale an zu enger Erhéijung vu 450 Euro an der Bourse de mobilité gefouert.

Weider Informatiounen:

http://acel.lu/media/communique-03-12-15.pdf

Gepostet den 03.12.2015 21:04

Léif Cerclen,

D'Umellungen fir den Tournoi de Noël, deen den 22. an 23. Dezember um Campus Geesseknäppchen statt fënnt an an Zesummenaarbecht mat der LASEL organiséiert gëtt, sinn op. Dir krut all eng E-Mail mat den Informatiounen zur Umellung. Mir wiere frou wann dir dat kéint ären Memberen weider leeden an iech virum 3. Dezember umellt. Mir hoffen och dëst Joer rëm 2 flott Deeg mat iech verbréngen ze kennen. Dëst Joer suergen och 4 vun eisen Cerclen iwwert d'Mëttespaus fir d'Iessen, fir dass dir och während der Paus de Campus net verloossen musst. Wei all Joers këmmert d'ACEL sech och rëm em d'Gedrénks.



De Link fir d'Facebook Event fannt dir hei ënnendrënner:

https://www.facebook.com/events/456686337871888/

Gepostet den 18.11.2015 16:39

Déi nei Guidë sinn do!

D'ACEL huet och dëst Joer nees eng nei Editioun vum Guide du Futur Etudiant a vum Guide du Futur Diplômé eraus bruecht. De Guide du Futur Diplômé gouf komplett iwwerschafft an op Lëtzebuerger iwwersat fir dir däi Start an d'Beruffsliewen nach méi ze vereinfachen.

Beid Guiden kritt dir bei eis um Stand op der Foire an an all Agence vun der Spuerkeess.

Do dernieft hunn mir och fir d'éischte kéier ee Kachbuch eraus bruecht an eng nei Versioun vum Lidderbuch. D'Kachbuch an d'Lidderbuch kritt dir op der Foire bei eis um Stand.

Dir kënnt och all Publikatiounen als pdf eroflueden: http://acel.lu/publications

Gepostet den 02.11.2015 10:27

D'ACEL huet haut hier Analyse zu der Ëmfro vum Budget vum Student op enger Pressekonferenz virgestallt. Als Conclusioun vun dëser Analyse fuerderen mir dass d'Bourse sociale an d'Bourse familiale erhéijt ginn, an alleguerten d'Geschwëster fir d'Bourse familiale berücksichtegt ginn. Weider soll eng staatlech Stell opgebaut ginn déi kontinuéierlech Donnéeën zu der finanzieller Situatioun vum Student sammelt. Eisen Avis fannt der hei fir duerchzeliesen: http://acel.lu/media/2015-09-avis-reform-studienbeihilfen.pdf

Gepostet den 10.09.2015 15:18

D'ACEL huet haut hier Analyse zu der Ëmfro vum Budget vum Student op enger Pressekonferenz virgestallt. Als Conclusioun vun dëser Analyse fuerderen mir dass d'Bourse sociale an d'Bourse familiale erhéijt ginn, an alleguerten d'Geschwëster fir d'Bourse familiale berücksichtegt ginn. Weider soll eng staatlech Stell opgebaut ginn déi kontinuéierlech Donnéeën zu der finanzieller Situatioun vum Student sammelt. Eisen Avis fannt der hei fir duerchzeliesen: http://acel.lu/media/2015-09-avis-reform-studienbeihilfen.pdf

Gepostet den 10.09.2015 14:58